Təchizat şöbəsində mühasib
- DəmirBank ASC
-
Elanın qoyulma tarixi: 16.03.2015Vakansiyaya müraciət tarixi bitmişdir.
İşin təsviri
25 ildən artıq tarixə və zəngin təcrübəyə malik olan DəmirBank ölkədə aparıcı banklardan biri olmaqla Azərbaycanın əksər regionlarında öz müştərilərinə geniş çeşiddə bank xidmətləri göstərir və onların rifahı üçün çalışır. Bu məqsədləri həyata keçirmək yolunda yorulmadan səy göstərən 1000-dən artıq əməkdaşımız ilə fəxr edirik və Sizi də DəmirBank ailəsinə, onun mehriban kollektivinə və qaynar korporativ həyatına qoşulmağa dəvət edirik.
İşin təsviri:
Bu vəzifədə çalışan əməkdaş qüvvədə olan qanunvericiliyə müvafiq olaraq əsas vəsaitlərin uçotunu aparır, maliyyə intizamlılığına və resursların rasional istifadəsinə əməl olunmasına yönəlmiş tədbirlərdə iştirak edir, işlədiyi sahə üzrə əsas rəsmiləşdirmələri həyata keçirir. Əsas vəsaitlərin hərəkəti ilə bağlı əməliyyatların mühasibat uçotu hesablarında əks olunmasını təmin edir, müvafiq sahədə vergilərin hesablanmasını həyata keçirir. Eyni zamanda ən kiçik hesablamalara belə xüsusi bir diqqətlə yanaşaraq işin mükəmməl bir şəkildə yekunlaşması üçün həvəslə çalışır.
Əgər dəqiq, məsuliyyətli və incə detallara önəm verən bir xarakteriniz varsa bizə müraciət edin.
Vəzifə öhdəlikləri:
- Daxil olan sifarişlərin icra olunması;
- Anbar uçotunun aparılması;
- Əsas vəsaitlərin uçotu və yerdəyişməsinə nəzarət;
- İnventarizasiya işi və inventarların daxili yerdəyişməsinə nəzarət;
- Fəaliyyət sahəsində bütün sənədlərin düzgün tərtibi və onların saxlanılması.
Namizədə qarşı tələblər:
- İqtisadiyyat və ya mühasibatlıq sahəsində ali təhsilin olması;
- İş təcrübəsinin 5 ildən artıq olması;
- Təzyiq altında işləmək bacarığının olması;
- Müvafiq sahədə mövcud olan normativ hüquqi aktlar üzrə dərin biliklərə malik olması
- Ofis proqramları və mühasibatlıq proqramları üzrə geniş bilik və iş bacarığına malik olması
- Xarici dil biliyi arzuolunandır.
Göstərilən tələblərə cavab verən namizədlər öz CV-lərini [email protected] elektron ünvanına göndərə bilərlər.
Müraciət etdiyiniz vəzifənin adını email-in mövzu hissəsində “Təchizat şöbəsində mühasib” göstərməyiniz xahiş olunur. Əks təqdirdə belə müraciətlilərin namizədliyinə baxılmayacaqdır.
Yuxarıda qeyd edilənləri nəzərə alaraq bildirmək istəyirik ki, işə qəbul prosesinin növbəti mərhələsi üçün yalnız seçilmiş namizədlərlə əlaqə saxlanılacaqdır.
DəmirBank özünün insan resursları siyasətinə əsasən müraciətçilərə bərabər seçim imkanları yaradır. Vakansiyanın tələblərinə cavab verən bütün namizədlər yaş, cins, irq və başqa fiziki xüsusiyyətlərinə, milliyyətinə, ailə vəziyyətinə, sosial-iqtisadi durumuna, baxışlarına görə ayrıseçkilik edilmədən nəzərdən keçiriləcəkdir.
DəmirBank ASC tərəfindən digər vakansiyalar
