İnsan Resursları üzrə Mütəxəssis (Zirə)

İşin təsviri

Əmək funksiyası:

• İşçilərin şəxsi işlərini hazırlayır və formalaşdırır, onlarda əmək fəaliyyəti ilə bağlı olan dəyişiklikləri qeyd edir; 
• Əmək qanunvericiliyinə, əsasnamə, təlimat və müəssisə rəhbərlərinin əmrlərinə müvafiq olaraq işçilərin işə qəbul edilməsi, vəzifə dəyişikliyi, ezamiyyət, məzuniyyət və işdən azad olunmalarını rəsmiləşdirir;
• Əmək müqavilələrini doldurur və tərəflərin arasında imzalanmasına nəzarət edir;
• Əmək kitabçalarını doldurur, hesaba alır və mühafizə edir, iş stajının hesabını aparır, işçilərin hazırkı və keçmiş fəaliyyəti haqqında arayış verir; 
• İş vaxtının istifadəsi cədvəlinin hazırlayır və gündəlik qeydləri aparır;
• İşçilər tərəfindən təqdim olunmuş “Əmək qabiliyyəti olmamaq vərəqəsi”ni qəbul edir, yoxlayır, insan resurslarına aid olan bölməni doldurur;
• İşçilərə məzuniyyətlərin verilməsinin qeydiyyatını aparır, növbəti il üçün məzuniyyət qrafikinin tərtib olunmasında iştirak edir;
• İşçilərin tibbi müayinədən keçməsinə nəzarət edir, onların tibbi kitabçalarının uçotunu aparır və növbəti tibbi müayinənin keçirilmə vaxtına nəzarət edir;
• Attestasiya komissiyalarına, fəhlə və qulluqçuların mükafatlandırılması, təltifə təqdim edilməsi üçün lazım olan materialları hazırlayır; 
• Kadr axınının səbəblərini öyrənilməsində və onların aradan qaldırılması tədbirlərinin işlənib hazırlanmasında iştirak edir; 
• Müəssisə işçilərinə və onların ailə üzvlərinə pensiyaların təyin olunması üçün lazımi sənədləri hazırlayır;
• Əmrlərin, sərəncamların, eləcə də icrası nəzarət tələb edən tapşırıqların uçotunu aparır; 
• Əmək üzrə perspektiv və illik planların işlənib hazırlanmasında iştirak edir; 
• İşçilərin gündəlik davamiyyətlərinə nəzarət edir və şöbə müdirinə hesabat verir;
• Şəxsi işlərin arxivləşməsini aparır;
• Sənədlərin operativ qeydiyyatını aparır; 
• Şöbə müdirinə tapşırıqların icrasının vəziyyəti haqqında məlumat verir;
• Müəyyən olunmuş hesabatları tərtib edir;
• Rəhbərlik tərəfindən verilən tapşırıqları yerinə yetirir.

Bilməlidir:

• Müəssisədə kargüzarlığın təşkilini, icra nəzarətinin forma və metodlarını; 
• Müəssisələrin və onların bölmələrinin təkmilləşdirilmiş sistem standartlarını, təşkilatı göstəriş sənədlərini; 
• Əsasnamə, təlimat və digər rəhbər sənədləri və müəssisə işçilərinin pensiyalarının rəsmiləşdirilməsi, əmək kitabçalarının və şəxsi işlərinin aparılması və mühafizəsi qeydiyyatı üzrə normativ sənədlərini; 
• İşçilərin işə qəbulu, bir işdən başqa işə keçirilməsi və çıxarılması haqqında qüvvədə olan qanunvericiliyi, kadr hərəkətinin qeydiyyat qaydasını və əmək intizamının vəziyyəti haqqında hesabatın tərtibini; 
• Fəhlə peşələri və qulluqçu vəzifələri üzrə adların ümumrespublika təsnifatına uyğunluğunu; 
• Əmək qanunvericiliyinin əsaslarını, daxili əmək intizamı qaydalarını; 
• Əməyin təşkilinin əsaslarını; 
• Əməyin mühafizəsi, təhlükəsizlik texnikası, istehsalat sanitariyası və yanğından mühafizənin norma və qaydalarını.

Məsuliyyət:

• Mövcud hüquqi aktlar əsasında və öz vəzifə təlimatında nəzərdə tutulmuş öhdəliklərinin yerinə yetirmədiyinə və şirkətə vurduğu zərərə görə Azərbaycan Respublikasının qanunvericiliyinə əsasən məsuliyyət daşıyır.

Zəruri şərtlər:

• Təhsili: Ali
• İxtisası: Humanitar və ya iqtisadiyyat
• İş təcrübəsi: Müvafiq sahədə 2 il 
• Xarici dil: Rus, Türk, İngilis
• Kompüter biliyi: MS Office proqramları

Əmək haqqı: 700-800 AZN

Buta Group tərəfindən digər vakansiyalar

• Direktor
• Mühasib
• Mühasib
• Satıcı Aqronom
• İnsan Resursları üzrə Mütəxəssi̇s (Zi̇rə qəsəbəsi̇)